طريقة لعشا خفيف ويستوي بسرعة..
المقادير..
- خضروات مشكلة مقطعة قطع صغيرة
جزر + بطاطس + كوسا +باذنجان + بازيلاء
- بصل مقطع صغار
- صلصة طماطم
- ملح + فلفل أسود ( بزار مو مشكلة على الرغبه )
- القليل من الماء
الطريقه
نسلق الخضروات مع بعض إلى أن تنضج
بس الباذنجان صعب ينسلق عشان جذيه ممكن نقلي
وبعدين نحمس البصل إلأى أن يحمر ونحط عليه الخضروات مع صلصة الطماطم مع الملح والبهار
وشوية ماي عشان ما يكون ناشف ..
نحط الخلطة بصينية فرن..
ونحط عليها صلصة القشطة
وطريقتها ..
علبة قشطة+3قطع جبن مثلثات+ملعقتين كبار مايونيز
نخلطهم بالخلاط ونصبهم على خلطة الخضار..
وندخل الصينية الفرن إلى أن يحمر الوجه قليلاً
ممكن نضيف الدجاج المسلوق والخالي من العظم لخلطة الخضار..
وبالعافية عليكم ..
